LAOAG CITY – Manamnama nga agbiahe idiay Estados Unidos ni Israeli Prime Minister Benjamin Netanyahu.
Kinumpirmaran ti opisinana ti maiyuswat a panagtaripnong daytoy ken ni United States President Donald Trump inton Mierkoles.
Naammoan nga isuna ti umuna a world leader a pormal a makasango ni Trump sipod nagtugaw daytoy idi bulan ti Enero.
Mainaig iti daytoy, sumagmamano kadagiti pagsasaritaanda ket ti mapaspasamak iti Gaza, kasasaad dagiti hostages ken dagiti dakkel a karit gubuay kadagiti kaalyado ti Iran.
Ti nasao a panangkumpirmar ti panagkita ti dua a lider ket manipud idi naipatungpal ti ceasefire ti Israel ken Hamas.
Maipalagip nga idi kampania idi ni Trump ket inrakurakna ga ipangpangrunana a leppasen ti riribok it nagbaetan ti Israel ken Hamas.
