LAOAG CITY – Umad-adu ti bilang dagiti indibidual nga agtawtawag iti hotline number ti Ilocos Norte Youth Development Office para iti “Speak Up I’m Here” program.
Segun iti Counseling Professional iti nasao nga opisina, lumawlawa ti sakop dagitoy agsipod ta adda pay dagiti callers manipod iti kabangibang a probinsia nga agkidkiddaw iti tulong kadakuada.
Kunana a kaaduan kadagiti agtawtawag ken agipatpatulod ti mensahe ket dagiti agtawen ti sangpulo agingga iti tallopulo.
Innayon na a ti kangrunaan a trat-trataren da a kaso ket ti problema iti pamilia, ken suicidal cases.
