LAOAG CITY – Inawaten ti International Olympic Committee (IOC) ti resignation ni IOC President Thomas Bach kas International Olympic Committee member.
Ti nasao a resignation ket epektibo inton Hunio 23, 2025, ti aldaw para iti pannakaiyakar ti posision iti baro a Presidente.
Maiyuswat ti eleksion tapno adda ti madutokan nga International Olympic Committee President inton Marso 20 a maisayangkat idiay Costa Navarino, Greece.
Insubmitir ni Bach ti resignation-na kalpasan nga inrakurakna ti International Olympic Committee executive board iti session-da idiay Paris a saanda nga iyalud-od ti panagbalinna a Presidente uray kayatna dagiti sumagmamano a miembro ti International Olympic Committee.
Naelektaran ni Bach iti kina-Presidente idi Septiembre 10, 2013 kas maikasiam a Presidente ti International Olympic Committee.
Naminsan manen a naelektaran isuna iti maikadua a gundaway tapno agserbi ti uppat a tawen idi Marso 10, 2021.
Nagbalin nga Olympic champion isuna idi nangabak ti balitok a medalya iti foil fencing idi XXI Olympiad iti Montreal idi 1976.
Nagbalin pay isuna a Presidente ti German Olympic Sports Confederation (DOSB) idi 2006.
