LAOAG CITY – Plano ni US President Donald Trump a patawan ti sabali manen a 10% a taripa dagiti nagduduma a produkto manipod iti China.
Immunan a pinatawan ni Trump ti 10% a taripa dagiti produkto ti China a maiserrek iti Estados Unidos a nagepekto laeng daytoy iti nasapa a paset iti bolan ti Pebrero ita a tawen.
Nagpangta pay ni Presidente Trump nga ipangato na met iti 25 a porsiento a taripa dagiti produkto manipod iti Canada ken Mexico nga agepekto intono Marso 4 ita a tawen.
Mainaig iti daytoy, inpeksa ti Ministry of Foreign Affairs iti China ti nakaro a pannakadismaya na iti plano ni Presidente Trump.
Inkari met ni China a mangipatungpal da met kadagiti addang a pangsubbot da iti plano ni US President Trump.
