LAOAG CITY – Pinirmaan ti Maharlika Investment Corporation (MIC) ti maysa a binding term sheet a mangipaay ti USD76.4 million Bridge Loan para iti early development ti Maalinao-Caigutan-Biyog (MCB) Copper-Gold Project.
Inbatad ti Maharlika Investment Corporation a ti balor ket mausar para iti panag-update ti feasibility study ken front-end engineering design ti Makilala Mining, pannakaipasdek ti main access road iti partnership iti Kalinga provincial government ken skills-based training para iti Balatoc Indigenous Cultural Community.
Naammoan nga usaren pay ti Makilala Mining, affiliate ti Celsius Resources Limited a nakalista iti Australian Securities Exchange ken London Stock Exchange, ti nasao a loan tapno solbaren ti financial capability requirements iti babaen ti Mineral Production Sharing Agreement iti gobierno ti Pilipinas.
Inlawlawag ti Maharlika Investment Corporation a ti desision a suportaran ti Maalinao-Caigutan-Biyog Project ket kageddan ti naiget a due diligence review iti technical, financial, legal, environmental ken socio-economic aspects daytoy a mangididiaya ti ‘promising initial results.’
Kabayatanna, mairuar ti loan kadagiti tranch ken ti inisyal nga USD10 million ket nailatang para iti alisto a panangrugi ti proyekto.
