LAOAG CITY – Nakaawat ti tallo a pammadayaw manipud iti Public Employment Service Office ditoy siudad ti Laoag babaen ti naisayangkat a Regional Peso Yepa and Panning Exercise Cum 2025 Congress idiay Clark, Pampangga.
Daytoy ti inpakaammo ni Miss Pia Shey Abaya, mangidadaulo iti nasao nga opisina.
Segun ken ni Abaya, maragsakan daytoy a makaawat kaagiti tallo a pammadayaw gapu ta makitana iti nagdur-asan ti Public Employment Service Office ditoy siudad.
Inbatadna a gapu iti daytoy ket ad-adda nga ikarigatanda ti amin tapno sumayaat pay ti pannakaipatungpal dagiti programa ken aktibidad iti opisinada.
Kageddan iti daytoy, kuna ni Abaya a ditoy pay a naisuro kadakuada dagiti nagduduma a best practices a nakaalaanna manen ti ideya tapno mapasayaat pay ti serbisio a maipaay kadagiti umili.
Kabayatanna, naammoan a dagiti tallo a pammadayaw a nagun-od ti Public Employment Service Office ditoy siudad ti Laoag ket ti SPES Excellence Award in Youth Empowerment (Highest Number of Beneficiaries Provided with Assistance CY 2024), TUPAD Excellence Award in Emergency Employment Facilitation ken ti Certification Commendation.
