LAOAG CITY – Iti maysa a naisangsangayan a kaso ti vandalism, maysa a security guard ti art exhibit idiay Russia ti saanna a naigawid ti bagbagina a kanen ti maysa kadagiti artwork a banbantayanna.
Nadlaw dagiti organizer ti contemporary art iti VDNKh All-Russian Exhibition Center a kurang dagiti ikan iti maysa nga art piece a napauloan iti “Escape of the Goldfish.”
Ti nasao nga art piece ket naglaok nga eskultura ken painting no sadinno nga adda sculpture ti malukong ti ikan nga addaan iti aglanglangoy nga ikan ken painting ti baybay nga addaan iti naikapet nga sculpture ti ikan.
Gapu ta naisangsangayan ti konsepto ti art piece, nadlaw ti guardia nga agtrabtrabaho ngem imbes a bantayanna, dinadaelna a mismo idi inikkatna ti sculpture ti ikan iti painting.
Makita iti Close Circuit Television footage a kalpasan a natiliw ti guardia ti ikan, inangotna nga umuna sakbay a kinnanna gapu ta naammirisna a saan a taraon, inbellengna iti datar.
Idi nagpalawag ti guardia, kinunana a kurang ti turogna kabayatan ti duty hours-na ken awan ti panunotna idi napasamak ti bandalismo. Nasuspenso ti guardia iti trabahona ngem inkeddeng ti management a saan a bayadan wenno singiren.
Iti agdama, iplasplastar ti artist ti “Escape the Goldfish” tapno maisubli daytoy iti art exhibit.
