Addan iti kustodyar ti US Immigration and Customs Enforcement (ICE) ti dati a Venezuelan boxing champion a ni Jorge Linares kalpasan a naarestar iti El Paso International Airport iti Texas.

Kinumpirmaran ti Immigration and Customs Enforcement a naarestar ni Linares gapu iti maipagarop a panagtalinaed na iti Estados Unidos kalpasan ti naikeddeng a panawen a nailanad ti temporary stay permit na.

Simrek iti pagilian ni Linares idi Oktubre 26, 2023 ken agdama a nakapenpen ti deportation proceedings kontra kenkuana.

Inpetteng met ti legal team na nga adda ti pammalubos ken ni Linares nga agtalinaed iti Estados Unidos ken naiget ti pannakitinnulong na kadagiti otoridad tapno masolbar ti isyu.

Nangipaay met ti suporta ni World Boxing Association (WBA) President Gilberto J. Mendoza ken ni Linares ken agtultuloy ti pannakikoordinar da iti pamilya ti dati a boksingero.

Nagretiro ni Linares idi 2023 kalpasan ti nasurok a dua a dekada ti karera na iti professional boxing, no sadinno a nagbalin a world champion iti featherweight, super featherweight, ken lightweight divisions.