LAOAG CITY – Immapela ti Department of Social Welfare and Development (DSWD) kadagiti benepisyaryo ti Pantawid Pamilyang Pilipino Program (4Ps) nga agbalin a naannad kadagiti pulitiko a mangus-usar ti programa ti ahensya para iti bukod da nga agenda.
Inbatad ni Pantawid Pamilyang Pilipino Program (4Ps) Social Marketing Division Chief (DC) Marie Grace Ponce a saan a mamati no adda dagiti kandidato wenno politiko a mangibaga a mabalin da nga iserrek wenno ikkaten manipod iti programa.
Inpetteng ni Ponce a ti laeng Department of Social Welfare and Development ti mabalin a mangikkat wenno agnayun kadagiti benepisyaryo ti Pantawid Pamilyang Pilipino Program.
Innayon na a saan da a basta makaikkat kadagiti benepisyaryo ti programa gapu ta adda ti sursuruten da a pagannurutan.
