LAOAG CITY – Nagpanawagan ni Senador Christopher “Bong” Go kadagiti pagadalan a papigsaen pay ti emergency response system-da kageddan ti pannakatay ti maysa a senior high school student idiay Marikina City kalpasan a nag-collapse kabayatan ti panagay-ayamna iti basketball tapno maliklikan ti kapada nga insidente iti masangoanan.
Ni Shann Mikhail Estaquio, 23, maysa a Grade 11 student ti Our Lady of Perpetual Succor College (OLOPSC)-Marikina ket nag-collapse iti ay-ayam a basketball.
Inpetteng ni Go a dagiti pagadalan ket nasken a maaddaan ti naurnos a medical staff ken umdas a pasilidad maipapan iti emerhensia.
Immuna iti daytoy, nagpanawagan pay ni Senador Go para iti pannakapasayaat ti grassroots sports development kageddan ti viral video ti high school athlete a ni Donnie Ray “Boyd” Llavore a mangiwaywayat ti high jump ngem awan ti naurnos a kagamitan iti landing idiay Maguindanao del Norte. Bimmagsak laeng iti daga ti atleta nga immuna iti bukutna a nangitunda ti narigat a panagangesna.
