LAOAG CITY – Nangbukel ti lokal a gobierno ditoy siudad ti Laoag ti baro a Comprehensive Development Plan iti sumaruno nga innem a tawen.
Segun ken ni Ms. Ruby Ann Bunalade, City Planning and Development Coordinator, nagturongda iti kallabes idiay Zambales tapno agatendar ti seminar ken workshop tapno agaramid ti Comprehensive Development Plan 2026-2032.
Inbatadna a karaman kadagiti nagatendar ket dagiti Department Heads ti lokal a gobierno gapu ta maibilangda a miembro kas nakailanad iti Executive Order.
Inlawlawagna a ti kangrunaan a gagem ti Comprehensive Development Plan ket tapno mapagbalin wenno mapagbalin nga Smart City ditoy siudad ti Laoag.
Kunana a karaman ditoy ti climate and disaster preparedness, gender and development, agriculture management, infrastructure ken traffic management.
Innayonna pay a nabukel daytoy a gannuat babaen ti panangbayabay ti Department of the Interior and Local Government.
