LAOAG CITY – Maawat ti dua nga annak ken asawa ti pimmusay nga aktres ken “Meteor Garden” star a ni Barbie Hsu ti nabati a sanikuana a mapatta-patta nga agbalor iti 600 a milyon Yuan wenno katukad ti P4.7 billion.
Kinumpirmaran met daytoy ni South Korean DJ, DJ Koo, ti sibubukel a sanikua ket pagguguduan ti asawana ken ti agtawen ti 10 nga anakna a babai ken ti agtawen ti walo nga anakna a lalaki a ni Hsu.
Gapu ta dagiti ubbing ket menor de edad pay laeng, ti bingayda ket imatonan ti amada a ni Wang Xiaofei agingga a dumanonda iti umno a tawen.
Inbatad ni Koo a planona nga ipaay ti bingayna iti ina ni Barbie Hsu gapu iti amin a sakripisio ti biyenan daytoy iti pamiliana.
Ni Koo ket umuna nga asawa ni Barbie Hsu a nagsinada idi 2000 ken nagsubliananda kalpasan a naki-divorce ni Hsu ken ni Wang.
