LAOAG CITY – Naduktalan ti maysa a panagadal a ti racial discrimination ket dakkel ti risgo na iti mental health, sleep problems, inflammation ken obesity kadagiti nataengan ken ubbing.
Iti nasao a panagsukisok, dagiti tattao a makapaspasar ti masansan a racial wenno ethnic discrimation ket ad-adda a nalaka a maapektaran iti obesity ken related conditions.
Basar iti Centers for Disease Control and Prevention (CDC), ti obesity ket maysa a major public health issue iti Amerika a pakaap-apektaran ti uppat agingga iti 10 a tattao.
Inbatadna a ti racial discrimination ken obesity ket naikonektar ken daytoy ket mabalin a gapu iti stress-related disruption iti komunikasion iti nagbaetan ti utek ken gut microbiome.
Kabayatanna, ti coping strategies ket makatulong tapno malaa-ayan ti impact tiracial discrimination iti salun-at da.
