LAOAG CITY – Naawaten dagiti nabatbati a 108 manipod iti 563 a benepisiario ti Special Program for Employment of Students wenno SPES ti sueldoda manipod iti gobierno probinsial.
Dagitoy ket manipud ti ili a Burgos, Sarrat, Badoc, Solsona, Marcos, San Nicolas, Pinili ken Currimao.
Naamoan a nagserbi ti sumagmamano kadagitoy kas tour guides idinto a dagiti dadduma ket nagpaay a clerk iti sumagmamano a pangopisinaan iti kapitolyo probinsyal ken kadagiti Local Government Units.
Nagserbi dagitoy iti sangapulo nga aldaw ken immawat da ti 6,150 a pisos a sueldo.
Mangnamnama ti gobierno probinsial a makatulong ti Special Program for Employment of Students kadagiti agad-adal a makapagdesisyon no ania ti kalikagum dagitoy nga aramiden iti masangoanan ken ikonsiderar da ti agtrabaho iti gobierno probinsyal.
