LAOAG CITY – Naisayangkat ti medical mission iti Provincial Auditorium ita nga aldaw.
Daytoy ket initiatibo ti dua a pribado a grupo pakairamanan ti Good Hope Future Foundation ken Sinagtala Medical Association Inc.
Segun iti Chairman ti Committee on Health, dagitoy a grupo ti immasideg iti gobierno probinsial gapu ta kaaduan kadagiti miembro ket manipud ditoy probinsia.
Inbatadna a kalikagumda a matulungan dagiti umili nangruna kadagiti addaan ti sakit.
Naammoan a ti grupo ket mangipaay ti libre a reading glass ken sunglass, check-up, major and minor operations.
Innayonna ti Chairman ti Committee on Health a dagiti dumalan ti major operation ket nalpasen ti screening dagitoy.
Kabayatanna, saan a limitado dagiti mabalin a manggundaway daytoy a libre a serbisio.
