LAOAG CITY – Inbatad ni Provincial Director Police Col Frederick Obar a naiget ti panagsagsagana ti Ilocos Norte Police Provincial Office para iti Palarong Pambansa a maiyuswat ditoy probinsya intono Mayo ita a tawen.
Segun kenkuana, nakasaganan ti plano para iti panangipaay da ti seguridad kadagiti playing venues, billeting area, ken dagiti pagadalan kangrunaan na ti traffic route.
Nupay kasta, kuna ni Obar a mangiyuswat da ti simultaneous exercises iti sumaruno a lawas kadagiti sporting events pakairaman dagiti pagadalan tapnu makita da no ania dagiti pagkurangan da iti panangipaay da ti security measures.
Innayon pay ni Obar nga addan ti immuna a pannakitaripnong da kadagiti tricycle drivers ken operators no sadinno a pinalagipan da dagitoy a suroten ken ipatungpal da a naimbag ti fare guide.
