LAOAG CITY – Dumanon iti 91.1 kilograms ti dutdot ti aso a nakolektra iti Mighty Texas Dog Walk idiay Austin, Texas a nagresulta iti maysa a baro a Guinness World Record para iti titulo nga “Heaviest Ball of Dog Hair.”
Rinibu nga aso ken ti fur parents ti nakipaset iti tinawen nga event no sadinno a kalpasan ti atiddog a panagpagna, sinagaysayan ti fur parents dagiti tarakenda ken inurnongda ti dutdot dagitoy iti maysa a dakkel a pangikabilan.
Iti maudi, nabukel ti nabirngasan a “Fur-O-Sphere,” maysa a dakkel a bola ti dutdot a nagserbi a simbolo ti panangrespetar ti pet owners kadagiti tarakenda.
Ti aktibidad ket paset ti fundraising event nga inorganisar ti Texas Hearing and Service Dogs, maysa a non-profit group iti Austin a mangipapaay ti serbisio kadagiti adda ti rangkap ti bagina kangrunaanna kadagiti saan a makangngeg.
Iti pannakipaset iti naidumduma nga aktibidad, ad-adu a tattao ti naallukoy a makipaset iti nasao a programa.
Dumanon iti walo a ribu nga aso ti naipadalan iti panangtingiting kadagiti beterinario sakbay a sinagaysayanda.
Naammoan a dagiti dutdotda ket naikabil pay laeng iti plastic sakbay nga inurnong iti dakkel a pangikabilanda agingga a mabukel ti rekord-breaking a bola nga addan ti napagtitipon a marias halong kulay kas ti black, brown, gray ken white.
