LAOAG CITY – Inbatad ni House prosecutor Joel Chua a saan dan nga idasar ti bribery allegation kontra kenni Vice President Sara Duterte gapu iti umdas nga ebidensia kadagiti tallo nga articles ken ti kalikagum a mapaalisto ti panangusig.
Ti maikatlo nga article ket ti maipagarup a panaglabsing ti bise presidente iti Konstitusion ken ti pananglipotna iti maipagarop a binayadanna nga opisial ti Department of Education (DepEd) kabayatan ti panagbalinna a sekretario ti ahensia idi 2022-2024.
Kinuna ni Chua a ti pannakaidasar ket gapu iti kinakapuy ti ebidensia ti article.
Immunan iti daytoy ti panangipakaammoda idi napalabas a bulan ti Setiembre ti posibilidad a panangibabawida ti bribery allegation gapu ta adon ti umdas nga ebidensia kadagiti tallo pay nga article.
