LAOAG CITY – Ilunglungalong ni House Representative Philip Conrad M. Acop ti pannakaipaay ti libre a kasapolan para kadagiti agregla a babbai, pakairamanan dagiti estudiante nga agkasapolan kabayatan nga adda da iti pagadalan.

Gagem daytoy a mangpapigsa ken mangipalawa ti Republic Act No. 10354 Responsible Parenthood and Reproductive Health Act of 2012 no sadinno a naestablisar para ti libre nga access ti reproductive health care, information, ken supplies.

Mainaig iti daytoy, ti pannakaipaay ti libre a menstrual pads kadagiti pagadalan ket paset laeng ti panagmanehir ti regal idinto a kasapolan pay dagiti estudiante ti danom, pribado a toilet, ken lugar a pagibellengan kadagiti nausar a produkto.

Kabayatanna, naamoan ti datos ti United Nations International Children’s Emergency Fund (UNICEF) a ngimmato ti panangipaay ti Pilipinas ti menstrual pads iti 60% agingga 83% ngem nupay kasta, saan nga umdas daytoy tapno masuposupan dagiti dadduma pay a pagkasapolan dagiti pagadalan kangrunaan na dagiti estudiante a babbai.