LAOAG CITY – Inleppasen ti House of Representatives ti plenary deliberation-da para iti 2027 national budget.
Iti oras ti alas-10 idi rabii, Setiembre 25, insingasing ni House Majority Leader Sandro Marcos nga iserran ti period of sponsorship and debate iti House Bill 10858 wenno ti 2027 National Budget.
Mainaig iti daytoy, awan ti nangkontra nga agpampanday linteg ken naiserran ti plenary deliberation a nangrugi pay laeng idi Setiembre 15.
Maipalagip nga umabot iti P7.2 trillion ti gakat a national budget para iti tawen 2027.
