Nagballaag ti Universal Records Philippines kadagiti indibidual ken negosio kontra iti saan nga otorisado a materyales nga adda pakainaiganna iti singer a ni Gehlee Dangca no sadinno posible a mangisayangkat ti legal action kontra kadagiti ag-reproduce, distribute wenno commercially exploit ti content ti singer nga awan ti permissionna.
Babaen ti maysa a public statement, inbatad ti record label a naobserbaranda ti saan nga otorisado a panagusar ti kanta ni Dangca ken sound recording, copyrighted photographs ken videos, pakairamanan pay ti nagan, ladawan ken likeness iti advertisements, music release, promotional materials ken dadduma pay a commercial content.
Kuna ti kompania a dagitoy a panagusar ket naaramid nga awan ti umuna panangyebkas ti approbal ti Univesal Records Philippines wenno ti appropriate rights holders.
Ni Dangca ket agdama a karaman kadagiti housemates iti “Pinoy Big Brother: Collab Edition 3.0.”
Sakbay iti partisipasionna iti reality show, ni Dangca ket miembro iti multi-national K-Pop group a UNIS, idinto a nai-launch solo recording career-na iti pagilian ken addaan ti solo single a napauloan ti “Closer” a nai-release lang iti kallabes.
