Inpaiman ti Philippine National Police Highway Patrol Group (PNP-HPG) iti pudno nga akinkukua ti 58 a narekobre da alugan.
Naamoan a dagiti nasao a lugan ket pakairamanan ti pito a motorsiklo.
Segun ken ni HPG acting director PBGen. Joyce Patrick Sangalang, dagiti 23 a lugan ket napasubli babaen ti technical carnapping investigation idinto a nabatbati a 35 a sabsabali pay ket naibabawi kalpasan ti naisayangkat a flag-dwon operations, checkpoints ken anti-carnapping operations.
Inpasingked ni Sangalang nga agbalin nga iti kada bolan ti pannakaisubli dagiti narekobre a lugan.
Binallaagan na met ti publiko nga agbalin a naannad iti panaggatang ti lugan aglalo no dagitoy ket second-hand ken no adda ti panagdudua ket ipa-verify da iti opisina da wenno iti Land Transportation Office (LTO).
