LAOAG CITY – Inanunsio ti K-pop superstars a BIGBANG ti pannakaiparuk-at ti new single-da ita a bulan ti Agosto no sadinno marka daytoy ti kangrunaan a baro a kanta kalpasan ti sumurok uppat a tawen.
Naka-schedule ti pannakaiparuk-at ti digital single a napauloan ti “BiiiG’ inton Agosto 19.
Nabigbig ti BIGBANG kas maysa kadagiti nagballigi a boybands iti South Korea a limmatak gapu iti hit songs kas ti “Haru Haru,” “BANG BANG BANG” ken “Fantastic Baby.”
Kabayatanna, sakbay ti anunsio ti baro a single, inanusio ti grupo ti BIGBANG 20th anniversary world tour, “XX: COSMOS,” a mangrugi inton Agosto 21 idiay Goyang, South Korea pakairamanan pay ti tour ti Manila stop inton February 20, 2027.
