LAOAG CITY – Target ti House of Representatives nga aprubaran iti maikatlo ken maudi a panagbasa inton Oktobre 9 ti gakat a P7.2 trillion a national budget para inton 2027.
Basar iti House Committee on Appropriations Vice Chairperson ken Surigao del Sur Rep. Romeo Momo Sr. a nalpasen ti panagtratar ti komite kadagiti gakat a budget iti nagduduma nga ahensia idi Setiembre 8.
Naikeddeng met a rugianan inton sumaruno a lawas ti plenary deliberations iti General Appropriations Bill.
Inbatadna a tingtingitingen dagiti mangidadaulo ti Kamara ti pananginayon iti gakat a P643 billion a budget ti Department of Public Works and Highways (DPWH).
Kunana a kasapulan ti kanayonana a pondo tapno malpas dagiti proyekto nga adda dakkel nga epektona iti ekonomia pakairamanan ti farm-to-market roads, national highways, rangtay ken dagiti proyekto nga adda pakainaiganna kadagiti probinsia ken isla.
