LAOAG CITY – Nailako iti auction ti agingga iti $1.067 milyon ti pirmado a relic card ni Los Angeles Dodgers star Shohei Ohtani.
Ti naisangsangayan a 50/50 effort ket isu ti kaunaan a Dodgers star a nailako ti sumurok $1-M iti auction.
Daytoy ti 1-of-1 numbered Ohtani card a makita ti Major League Baseball logo manipud iti pantalon a suot daytoy idi Septiembre 2024.
Iti nasao a tawen ket nairekordna ti maika-49, 50 ken 51st home runs kasta met ti panag-steal daytoy ti 50th ken 51st bases kontra iti Miami Marlins.
Maipalagip a nagatang met iti auction ti Ohtani card iti balor a $533,140 para iti 2018 Bowman Chrome Rookie Autograph Orange Refractor rookie card iti Goldin Auctions idi Nobiembre.
