LAOAG CITY – Nangidiaya ti National Housing Authority ti 100% condonation kadagiti amin a delinquent housing beneficiaries a nabayagen a saan a nakabaybayad ti binulan a tennagda.
Inaramid ni National Housing Authority General Manager Joeben Tai ti rakurak kagiddan ti pannakaselebrar iti maika-50th charter anniversary ti ahensiada.
Inbatad ni Tai, tulunganda dagiti delinquent beneficiaries a maka-avail ti 100% condonation para iti multa iti housing loan.
Adda ti 95% a condonation ti idiaya ti ahensia para iti interes iti housing loan.
Iti datos nga inruar ti ahensia, dumanon iti 220 a delinquent housing borrowers ti mabenepisiaran iti condonation.
Maipatungpal daytoy mangrugi inton Mayo 1 agingga iti October 31 iti agdama a tawen.
Mainaig iti daytoy, inbatad ti ahensia nga agtultuloy ti panangikagumaanda a makaipasdek ti agarup 100 a ribu a Pabahay ita a tawen.
