LAOAG CITY – Nangiruar ti bidyu ti Palestinian Islamic Jihad ti maysa kadagiti hostage-da nga Israeli.
Nabigbig ti hostage a ni Rom Braslavski manipud idiay Jerusalem nga hinostage dagiti armado a grupo iti Nova music festival idi Oktubre 7.
Makita iti bidyu a ti panawagan ti hostage iti Israeli Government ken ni United States President Donald Trump a siguradoen ti pannakawaya-wayada.
Iti pito a minuto a bidyu ket makita ti panagpakpakaasina a waya-wayaan isuna.
Maipalagip nga inpatangken ti Israel a saanda nga agsardeng iti panangraut iti Gaza agingga a naan-anay a mawaya-wayaan dagiti iggem ti Hamas.
