LAOAG CITY – Kinumpirmaran ti Vatican a ti nakatayan ni Pope Francis ket gapu iti stroke ken irreversible heart failure.
Segun iti Vatican, ti nasao a sakit ket gubuay ti double pneumonia a napasaran na.
Inbatad ni Dr. Andrea Arcangeli, ti Director of the Directorate of Health and Hygiene of the Vatican City State, a kalpasan a na-stroke ket nacomatose ti santo papa ken irreversible cardiocirculatory collapse.
Nailanad pay iti official medical report na nga addan ti pakasaritaan ti Santo Papa ti acute respiratory failure gapu iti multimicrobial bilateral pneumonia, multiple bronchiectases, high blood pressure ken Type II diabetes.
Kabayatanna, ni paylaeng Cardinal Kevin Farrel ti temporaryo a mangiwanwan ti Vatican agingga nga adda ti mapili a baro a santo papa.
