LAOAG CITY – Balligi a naarestar ti dua a babbai pakairamanan ti maysa a menor de edad iti Anti-Illegal Drug Buy-bust Operation iti Barangay 2 Sta. Joaquina ditoy siudad ti Laoag.
Nabigbig dagiti suspek nga isuda Maria Danica Calatena, agtawen ti 29, awanan asawa, residente ti Barangay 19 ngem agdama nga agnanaed iti Barangay 2 Sta. Joaquina ditoy siudad ti Laoag ken ti menor de edad nga agtawen ti 17, awanan asawa ken residente ti Barangay Bengcag ditoy siudad ti Laoag.
Natiliw dagiti suspek kalpasan a maipagarup a naglako dagitoy ti maatap a shabu iti police poseur-buyer.
Mainaig iti daytoy, naiget a naglikudan ni Danica a kukuada dagiti naala a kontrabando.
Kunana a manarimaan ti panagsugalda idi kellaat nga adda dagiti immasideg a pulis kadakuada.
Inpettengna nga inpabulsada laeng kadakuada dagiti mapapati a shabu.
Kabayatanna, naammoan nga agdagsen ti 2.1 a gramo ti nakumpiskar dagiti otoridad a maipagarup a shabu nga agbalor ti agarup 28 a ribu a pisos.
