LAOAG CITY – Natay kalpasan a napaltu-paltugan ti mayor ti Rizal iti probinsya ti Cagayan a ni Mayor Atty. Joel Ruma.
Basar iti inisyal nga imbestigasyon dagiti otoridad, napasamak ti insidente bayat a mangiyus-uswat ti kampanya ti mayor iti Barangay Iluru Sur,Rizal pasado alas-9 idi rabii Abril 23, 2025.
Kabayatan nga agpi-picture taking ti mayor kadwa na ti sumagmamano a residente iti lugar ket ditoyen a pinaltu-paltugan dagiti saan pay a nabigbig a suspek.
Karaman a natay iti insidente ti dua a close aide ti mayor.
Naitaray pay daytoy iti ospital ngem indeklarar a dead-on-arrival dagiti doctor.
Agtultuloy ti imbestigasyon dagiti otoridad mainaig iti insidente.
