LAOAG CITY – Umaboten iti 24 nga indibidual ti natay idinto a 30 a sabsabali pay ti manarimaan a mabirbirok kalpasan ti napasamak nga uram iti maysa a pagaramidan ti candy iti western Java, idiay Indonesia.

Nairekord ti uram iti maysa a pabrika iti distrito ti Serang, probinsia ti Banten, 50 a kilometro manipud iti lauden ti kabisera ti Jakarta idiay Indonesia.

Basar iti National Search and Rescue Agency ti Indonesia, agpapan a maisursurat daytoy a damag, umaboten iti 15 nga indibidual ti naisalakan manipud iti uram, no sadinno nga uppat kadagitoy ti naitaray iti ospital.

Kabayatanna, segun iti Gobernador ti Banten a ni Andra Soni, agarup 300 nga empleado ti adda iti uneg ti nasao a pabrika idi napasamak ti insidente.