LAOAG CITY – Adda ti shortage ti pistachio iti agdama iti intero a lubong ken ti maitudtudo a makaigapu ket ti viral a Dubai Chocolate.
Ti Dubai chocolate ket maysa a popular milk chocolate bar a napno ti knafeh, pistachio cream, ken tahini spread.
Naamoan a ti Fix Dessert Chocolatier ket nailungalong idi 2021 babaen ti British-Egyptian entrepreneur a ni Sarah Hamouda kadwa na ti asawa na a ni Yezen Alani.
Kayatna a sawen ti “Fix” ket“freaking incredible experience.”
Nagbalin nga inspirasyon ni Sarah ti food cravings na idi agin-inaw paylaeng.
Nag-viral ti Dubai Chocolate idi 2023 kalpasan nga in-upload ti TikToker a ni Maria Vehera ti video no sadinno a ramramanan na daytoy.
Ti video ket nakaala ti 120 million views, 277.8K reactions, 3,839 comments ken 13.1K shares no sadinno a sipud idi ket ngimmato ti demand para iti Dubai Chocolate ken nakaad-adon dagiti chocolatiers a nangrugi nga agaramid ti chocolate bar nga addaan ti pistachio a nagresulta iti panagkurang ti suplay ti nasao a produkto iti intero a lubong.
