LAOAG CITY – Inarestar dagiti otoridad ni Newark Mayor Ras Baraka kalpasan ti panangiwayatna ti tignay protesta.
Inbatad ni United States Attorney for New Jersey Alina Habba a kontra ti Mayor iti pananglukat ti federal immigration detention center.
Inlawlawag ni Habba a sumagmamanon a darasen a saan daytoy nga inkankano ti ballaag kenkuana ken isuna ket nag-trespassing.
Naammoan nga idi pay laeng ket nabayagen nga inrakurak ni Baraka ti panangkontrana iti detention facility.
Naiwayat ti panangarestar idi ginandatna a makipaset iti naikeddeng a panagbisita da New Jersey’s congressional delegation, Reps. Robert Menendez, LaMonica McIver ken Bonnie Watson Coleman.
Linappedan dagiti federal officials ni Baraka gapu ta awan isuna iti listaan a nangitunda ti napasamak a panagriri.
