LAOAG CITY – Naiget ti panagbantay ti Philippine National Police kontra iti panaggatang ti butos iti intero a lubong.
Segun ken ni Philippine National Police Chief PGen Rommel Francisco Marbil, inbilinna dagiti amin a regional directors ken field commanders a paigetan ti kampania kontra iti vote buying.
Daytoy ket kas sungbat iti panawagan ni Presidente Ferdinand Marcos Jr., ken iti direktiba ti Commission on Elections para iti naannayas nga eleksion.
Kuna ni Marbil nga ipatpatungpal ti Philippine National Police ti naig-iget nga agresibo nga operasion nangruna ket adda dagiti report iti panaggatang ti butos kadagiti sumagmamano a probinsia.
Nagballaag ti nailian a pulisia a mapatawan ti pannusa iti babaen ti linteg ti asinoman a mapaneknekan a karaman iti vote buying ken vote selling.
Inallukoyna ti publiko nga insigida nga i-report dagiti nasao nga insidente kadagiti pulis wenno dagiti hotline ti Commission on Elections.
Kabayatanna, agtultuloy ti “Kontra Bigay” operations agingga iti mismo nga aldaw ti eleksion inton bigat, Mayo 12, 2025.
