LAOAG CITY – Inrakurak ni Presidential Son ken Ilocos Norte 1st District Rep. Sandro Marcos a nasken nga ipangpangruna dagiti naelektaran a Senador iti panangtulong ken ni Presidente Ferdinand Marcos Jr. kadagiti nagduduma nga isyu ditoy pagilian.
Inbatadna a saan pay a naudi ti pannakatratar ti impeachment case ni Vice President Sara Duterte ken saanna patien nga adda dagiti Senador iti Senado tapno protektaran wenno kumbiktaran isuna no diket ipaayda ti serbisio para iti pagsayaatan ti publiko.
Inlawlawagna a narrow approach no insigida a tratarenda nangruna ket dakkel daytoy nga isyu.
Innayon ti Presidential Son a nalpasen ti akemda iti lower house iti nasao nga isyu no sadinno nga addan iti upper house ti desision ken isuda ti nasken a masaludsod maipanggep iti daytoy a banag.
