LAOAG CITY – Nauram ti maysa a pasdek negosio iti Barangay Parado iti ili ti Dingras.
Nabigbig ti akinkukua ti pasdek negosio a ni Mrs. Carmelita Onayoan.
Segun ken ni Senior Fire Officer 1 Alwin Ampaña, Chief Operation and Investigator ti Bureu of Fire Protection iti ili ti Dingras, basar iti inisyal nga imbestigasionda, alisto a nagramram ti apoy gapu kadagiti lakoda a groceries.
Inbatadna a ti rumrummuar a posible a namunganayan ti uram ket gapu iti saksakan ti waya.
Inlawlawagna a gapu iti napasamak nga uram ket bassit laeng dagiti naisalbar a groceries.
Kunana nga awan ti nadangran iti insidente ken awan ti nairamraman iti nasao nga uram.
Iti agdama, agtultuloy a maiwaywayat ti naun-uneg nga imbestigasion maipanggep iti napasamak nga uram.
