LAOAG CITY – Mamati ni Mr. Arliro Dasion, Coach ti swimming pool manipud iti Region X wenno ti Northern Mindanao a dakkel ti epektona ti klima kadagiti atleta para iti Palarong Pambansa 2025.
Segun kenkuana, daytoy ket kalpasan a dimmanon ti dua agingga tallo nga aldaw sakbay a naan-anay a naadaptarda ti klima ditoy probinsia.
Inbatadna a nalamiis ti panawen iti Northern Mindanao maidasig ditoy probinsia a mapaspasaran ti nabara a paniempo.
Inlawlawagna nga iti baet ti sasaaden ti panawen ket awan ti nagkasakit kadagiti pambatoda nga atleta.
Kabayatanna, inpakaammo ni Andrea Abalos, Gold Medalist ti Regional Meet ti Pole Vault nga inawis laeng isuna dagiti kaklasena a maki-try out iti nasao nga ay-ayam agingga nga in-inutna daytoy a nasursuro ken nakilaban kadagiti dadakkel nga sports competition.
