LAOAG CITY – Gutgutigoten dagiti health officials iti Lanao del Sur ken Northern Mindanao iti publiko nga agpa-test para iti human immunodeficiency virus wenno HIV.
Segun ken ni Dr. Monerah Luzviminda Macud, maysa a medical specialist iti Amai Pakpak Medical Center (APMC) in Marawi City, Lanao del Sur a ti HIV testing ket naiget a confidential ken ti treatment ket available iti pasilidad.
Kunana nga saan amin a pasiente ket aggapu Lanao del Sur, adda pay dagiti nai-refer manipud iti nagduduma a lugar pakairamanan iti Metro Manila.
Naamoan nga umabot 232 ti kumpirmado a kaso iti HIV Treatment Hub ti Amai Pakpak Medical Center manipud 2022 agingga 2026.
Mainaig iti daytoy, 64 a na-diagnosed ket estudiante ken kaadoan a pasiente ket agtawen iti nagbaetan ti 20 ken 29. Idinto a 12 ti agtawen 20 agpababa no sadinno agtawen 15 ti kaubingan a nairekord a pasiente.
Naiget a sursuroten ti Amai Pakpak Medical Center (APMC) tapno protehiran ti privacy kadagiti kliyente wenno patiente.
Ti nadakamat nga ospital ket adda iti operational supervision iti Department of Health iti Northern Mindanao.
Iti agdama, adda 18 HIV treatment hubs nga agopoperar iti rehion iti babaen ti public ken private providers.
Kabayatanna, ibaklay ti Philippine Health Insurance Corporation ti testing, consultation ken ART iti babaen ti Outpatient HIV/AIDS (Acquired Immunodeficiency Syndrome) Treatment Package no sainno mangipaay ti agingga PHP58,500 iti kada tawen.
