LAOAG CITY – Naikeddeng nga agsubli ditoy Pilipinas ni dati nga United Nations Special Rapporteur on extrajudicial killings ken Amnesty International secretary-general Agnès Callamard tapno makitaripnong kadagiti pamilia ti biktima kontra ti kampanya ti iligal a droga ni dati a presidente Rodrigo Duterte.
Daytoy ti panagbisita manen ni Callamard iti pagilian manipud 2017 kagiddan ti immigration ban a naipataw kenkuana ti administrasion a Duterte.
Mainaig iti daytoy, agtalinaed manipod Nobiembre 19 agingga Nobiembre 22 ni Callamard segun iti anunsio na kalpasan a maikkat ti ban kontra kenkuana idi Setiembre 2026.
Makitaripnong ni Callamard iti sumagmamano nga abogado a kritiko ti ‘war on drugs; ken dagiti journalists a nagipadamag ken nagimbestigar iti kampanya ti dati a presidente.
Kabayatanna, kas nalatak a kritiko ti drug war ti presidente, bimmisita daytoy iti pagilian idi 2017 para iti maysa nga academic conference mainaig iti durg policy ken komemorasion ti maika-30 nga anibersario ti Commission on Human Rights (CHR).
