LAOAG CITY – Kinondenar ti Iran ti makapatay a panangatake ti Israel kadagiti pasilidad militar-da ken nuklear.
Inawagan ti Iran a daytoy a panangraut ti Israel kadakuada ket deklarasion ti gubat.
Iti maysa a surat ti United Nations, inallukoyna ni Foreign Minister Abbas Araghchi ti UN Security Council nga insigida nga agtignay maipapan iti nasao nga insidente.
Maipalagip a nangiwayat ti Iran ti retaliatory airstrikes idiay Israel idi Biernes ti rabii no sadinno a nangngeg ti panagbettak idiay Jerusalem ken Tel Aviv, ti dua a kadakkelan a siudad ti pagilian, kagiddan ti kadakkelan a military strike ti Israel kontra iti nabayagen daytoy a kalaban.
Nangngeg ti air raid sirens iti Israel iti pananggutigot dagiti otoridad iti publiko nga aglemmeng.
Nakita pay dagiti missile iti tangatang ti Tel Aviv a basar iti militar a nagpabettak ti Iran ti dua a salvos.
Basar iti Israel military, nangirubuat ti Iran ti saan a lumabes iti 100 a missiles ken kaaduan ket nalappedan ken nagkurang.
Timmulong met ti United States military iti pananglapped ti Iranian missiles nga agturong idiay Israel, basar iti dua nga United States officials.
