LAOAG CITY – Inpakaammo ni Cpt. Fernie Lua, Communications and Media Officer ti 501st Infantry Brigade nga adda ti sumurok 60 a dati a rebelde iti rehion uno ti simmukon iti babaen ti gobierno.
Segun kenkuana, adda ti pakabuklan a sumurok 160 a dati a rebelde ti simmukon iti babaen ti gobierno iti intero a rehion uno pakairamanan ti probinsia ti Abra.
Inbatadna a naiget ti panangipatungpalda ti Anti-Insurgency campaign tapno ad-adu pay dagiti maallukoy a rebelde nga agsublin iti babaen ti gobierno.
Inlawlawagna a dagiti nagsublin iti babaen ti gobierno ket naipaayan ti tulong tapno naan-anayen a saanen nga agsubli pay dagitoy kadagiti makakannigid a grupo.
Nupay kasta, inpettengna a kasapulan latta dagitoy a sumurot kadagiti naiyetnag a pagannurotan babaen ti Local Amnesty Board.
