LAOAG CITY – Mangnamnama ti lokal a gobierno a mapatgan ti kiddaw da ken ni Governor Matthew Marcos-Manotoc a pannakaituloy ti desiltation project iti Aglipay-Nalasin ken Gasgas River iti ili ti Solsona.
Daytoy ti inbatad ni Vice Mayor Jonathan de Lara iti nadakamat nga ili.
Kuna ti bise mayor a kalikagom da a marugyan koman ti nasao a proyekto tapno saan a kakaasi a malayos dagiti bumarangay iti panagpasar ti napipigsa a tudo ken no adda dagiti sumangbay a bagyo.
Kabayatanna, inpakaammo ni de Lara a nabayagen nga awan ti nangisayangkat ti quarry operation iti ili ti Solsona gapu ta awan pay ti inpaayan ti permit ti Provincial Quarry Office ditoy probinsya.
