LAOAG CITY – Saan laeng a 34 ti bilang dagiti sabungero a mapukpukaw.
Daytoy ti inbutaktak ni Justice Secretary Jesus Crispin Remulla kalpasan a nakasaritana ti whistleblower kadagiti missing sabungeros.
Inbatad ni Remulla nga inbutaktak kenkuana ti whistleblower dagiti sumagmamano a nagan nga adda iti likudan ti maipagarup a panang-hostage ken panangpapatay kadagitoy.
Iti baet daytoy, nagkedked pay laeng ni Remulla a mangipaay kadagiti pakabigbigan dagitoy.
Iti agdama, maisagsaganan iti panangbiruk kadagiti bangkay dagiti sabungero a rumrummuar nga inbellengda iti Taal Lake idiay Batangas.
Kabayatanna, sakbay ti eleksion, nakasarita ti sekretario ti nasao a whistleblower a maysa kadagiti akusado iti krimen.
