LAOAG CITY – Natalged a nakaballasiw dagiti 26 a Pilipino manipud idiay Israel babaen ti voluntary repatriation program ti embahada.
Inbatad ni Ambassador Aileen Mendiola, kinaduada mismo dagiti nasao a Pilipino iti Allenby Border Crossing kabinnulig ti Department of Migrant Workers – Overseas Workers Welfare Administration (DMW-OWWA) Team ti embahada.
Daytoy ket tapno maipasigurado ti natalged a panagballasiwda manipud iti Israel nga agturong iti Jordan.
Inyurnos ti embahada ti transportation, transit visas, travel documents ken plane tickets dagitoy nga agawid ditoy Pilipinas.
Naammoan a sakbay a timmalawda, nagtalinaedda pay laeng iti Department of Migrant Workers shelter, naipaayan ti ng relief packages ken naikkan ti free legal services mainaig iti benepisioda.
Iti agdama, manarimaan ti pannakaiproseso ti 33 pay a Pilipino a bukbuklen iti maikadua a bansada ti voluntary repatriation program.
