Umabot iti siyam a tattao ti natay iti napasamak a pammaltog iti maysa a simbaan iti abagatan ti probinsia ti Karak idiay Jordan.
Malaksid kadagiti natay ket adda pay ti 40 a sabsabali dagiti nasugatan iti insidente.
Basar iti report, kabayatan ti misa ket bigla lattan a dimteng dagiti saan pay a nabigbig nga armado a lallaki ken nagpalto-paltog da iti simbaan.
Ibilang ti public security agency a ti pammaltog ket terrorist attack kontra kadagiti kristiyano a nagatendar iti pannakaitabon ti maysa a residente iti ili ti Hmoud.
Mainaig iti daytoy, nagballaag ni King Abdullah ti Jordan nga agsungbat dagiti responsable iti “terrorist act”, kagidda ti ibibisita na kadagiti nasugatan iti ospital.
Inpetteng na a ti dara dagiti Jordanians ket napateg ken rumbeng a mapagsungbat dagiti napan nanggasaw-gasaw ti pagilian da.
