LAOAG CITY – Nagballaag ni United Nations (UN) Secretary-General Antonio Guterres nga adda iti nakaro a kasasaad ita ti Gaza.
Binabalawna ti Israel nga isu ti nangitunda ti saan a nasayaat a situasion idiay Gaza.
Naminsan manen daytoy a nagpanawagan ti naan-anay a ceasefire ken ti panangwaya-waya kadagiti hostage.
Dinayawna ti ceasefire iti nagbaetan ti Israel ken Iran ngem kunana a nasken a saan a lipatan dagiti Palestino iti Gaza a parparigaten ti Israel.
Inpetteng a rumbeng a saanen a paigetan ti Israel ti panagdalyasat dagiti humanitarian aid gapu iti kinaadu dagiti matmatay a sibilian idiay Gaza.
