LAOAG CITY – Balligi iti panangipaay ti tulong iti maysa a Riders Group ditoy probinsya partikular ti ACCERT Ilocos Norte Chapter.
Segun kenni Mr. Romulo Padayao, ti Provincial Director ti nasao a grupo, naragsak da iti sabali manen a bansada ti naipaay a tulong.
Inpakaammo na a binolan nga isaysayangkat da daytoy nga aktibidad.
Inlawlawag na a napanunot da ti tumulong gapu ta ado dagiti pamilya a maobserbaran da nga agkasapulan ti tulong.
Innayon na nga ado met dagiti naayat a tumultulong kadakuada nga isu met ti mapan da ipaay kadagiti mapili da a benepisyaryo.
Mainaig iti daytoy, kuna ni Padayao nga ita a bulan ti Hunyo ket nagturong ti grupo iti Brgy. Mangato ditoy ciudad tapno ipaayan ti tulong dagiti dua a residente, karaman ditoy ti anak ni Mrs. Elma Sarandi no sadinno a napalaus ti panagyaman ti nasao a pamilya.
Kunana nga 4 a tawenen nga adda ti sagsagabaen ti anak na a sakit ken ti naipaay a tulong kadakuada ket dakkel a mangpalag-an kadagiti kasapulan da iti inaldaw.
Karaman pay a naipaayan ti tulong ket ni Mrs. Rosita Wamerga a taga Bacolod ngem gapo iti panagtrabaho ti asawa na iti kallabes ditoy probinsiya ket ditoyen ti nagnaedan da.
Nagyaman ni Wamerga iti grupo ken kunana a daytoyen ti maikadwa a gundaway nga inpaayan da dagitoy ti tulong.
Kabayatann, kuna ni Padayao a silulukat ti grupo da para kadagiti kayatna ti makipaset iti grupo da tapno tumulong kadagiti pudno nga agkasapulan.
