LAOAG CITY – Inpasingked ni Mayor James Bryan Alcid ti panagpadalos na iti merkado publiko ditoy ciudad ti Laoag.
Inbatad na a kasarita na ti Bureau of Fire Protection tapno mangiyuswatda iti panagdalos iti aglawlaw iti merkado publiko.
Segun kenkuana, nairugi koman ti panagdalos iti tiendaan ngem intantan da paylaeng gapu iti panagtudtudo na.
Mainaig iti daytoy, inpakaammo ni Mayor Alcid plano na a bisitaen ti naobserbaran na a maum-ummong ti danom iti batog ti maysa nga establisimiento gapu ta naserraan ti kanal.
Kabayatanna, inpanamnama ti mayor nga apaman nga agsardeng ti panagtudtudo na ket maiyuswat a dagus ti panagdalos iti merkado publiko ditoy ciudad ti Laoag.
