LAOAG CITY – Natay ti 24 nga indibidual nga adda iti asideg ti aid distribution site idiay Gaza.
Basar iti Gaza hospital, naruay a Palestino ti adda iti aid distribution site tapno makaala ti taraon idi a kellaat a nagpaputok ti paltog ti Israel Defense Forces.
Nupay kasta, inpetteng ti Israel Defense Forces nga awan ti nadangran nga indibidual.
Mainaig iti daytoy, inbatad ti maysa nga Israeli military official a nagpaputok ti warning shots tapno saan nga agdudupudop dagiti tattao.
Naammoan a kanayon nga adda ti maipadpadamag a natay gapu iti panangpaltu-paltog kadakuada dagiti Israeli kabayatan ti panangalada ti taraon idiay Gaza.
Maipalagip a dumanonen iti 57,823 nga indibidual ti natay idiay Gaza ken 251 ti na-hostage sipod nga immatake ti Hamas idi Oktubre 7, 2023.
