LAOAG CITY – Natay ti dua a babbai kalpasan a napaltu-paltogan iti Richmond Road Baptist Church idiay Lexington, Kentucky.
Inbatad ni Kentucky Governor Andy Beshear a naglibas ti suspek a rimmuar iti simbaan no sadinno a dua a lallaki met ti pinaltoganna.
Inlawlawagna a pinaltogan pay ti suspek ti maysa a suldado nga asideg iti Blue Grass Airport.
Naammoan a kalpasan ti sumagmamano a minuto ket nakita dagiti otoridad ti suspek nga awanen ti biagna.
Kabayatanna, naitaray iti ospital dagiti nasugatan a biktima idinto nga am-ammoen pay laeng dagiti otoridad ti motibo ti suspek iti nasao nga insidente.
